Hadafku waa
cunsuriyadda oo
bulshada laga ciribtiro
Ololaha kahortagga cunsuriyaddu wuxuu qirayaa, in cunsuriyad ah Finland ka jirto iyo in laga bixi karo oo ay tahayna in meesha laga saaro.
Cunsuriyaddu waa qaab-dhismeed bulsho iyo aragtid. Furfuristiisa iyo abuurista qaab-dhismeedyo loo simmanyahay waxay u baahantahay firfircoonaan iyo ka qaybqaadasho. Hawlwadeennada isbeddelka doonaya ma noqon karaan kuwa dhinac kala socda oo kaliya.
Sidaas darteed ayuu ololuhu ku dhiirrigelinayaa hawlwadeennada kala duwan in ay sameeyaan waxqabadyo la taaban karo, kuwaas burburinaya cunsuriyadda bulshadeenna ka dhexjirta.
Ficil ayaa cunsuriyadda lagu burburinayaa – maya fikrad
Cunsuriyaddu waa dhibaato heer nidaam ah, taas oo lagu burburinayo ama lagu xoojinayo falal kala waaweyn iyo waxqabad la’aan; tusaale ahaan faragelinta isticmaalka luqadeed ama faragelin la’aan, shaqo u qorisyo, metelaad iyo habab waxqabad oo kala duwan.
Bayaanno xafladeed ma tirtirayaan dhibaatada ee waa in qaab-dhismeedyada cunsuriyadeed si firfircooni leh loo burburiyaa iyadoo ficillo loo isticmaalayo.
Hadafka ololuhu waa bixinta qalab sax ah oo lagu wajahayo islamarkaana bulshada looga dhex saarayo cunsuriyadda.
Wax kasta waxaa udub dhexaad u ah qawlqaad wadajir ah
Ololuhu wuxuu hawlwadeennada ka qaybqaadanaya siinayaa waxqabadyo la taaban karo oo isbeddelka lagu gaarayo.
Halwadeennada ka qaybgelaya ololuhu waxay samaynayaan ballanqaad waxayna xulanayaan waxqabadyada ku habboon ururkooda, kuwaas oo ku jira adeegga shabakadda ee Ballanqaadka 2050 ee Horumarka waara (Sitoumus2050).
Xukuumaddu waxay dadka oo dhan ku casuumaysaa ka qaybqaadashada ololaha lagu dhisayo Finland loo simmanyahay. Hirgelinta ololuhu waa qayb ka mid ah mashruuca hirgelinta warbixinta Sinnaanta.
Ka akhri faahfaahinta dheeraadka ah ee mashruuca bogagga shabakadda xukuumadda.
Sidan ayaad uga qaybqaadan kartaa
Udub dhexaadka ololuhu waa ballanqaadka ugu sarreeya ee ku jira adeegga shabakadda Sitoumus2050 ee magaca xukuumadda lagu sameeyay.
Hawlwadeennada ka qaybqaadanaya ololaha ay ballanqaadkooda kula biiraya ballanqaadka ugu sareeya ee ololaha oo ku jira adeegga Sitoumus2050. Hawlwadeennadu waxay adeegga ka xulanayaa waxqabadyada ururkooda ku habboon, ama waxay ku darayaan kuwooda, waxqabadyo iyaga ku habboon. Waxaa sidoo kale adeegga dhexdiisa looga warbixin karaa hirgelista waxqabadyada ballanqaad kasta.
Ballanqaadka ururka waxaa iyadoo la isticmaalayo af finnish, iswiidhish ama ingiriis lagu samayn karaa adeegga Sitoumus2050 islamarkaana lagu biirayo ballanqaadka ugu sarreeya ee luqadda finnishka ku qoran. Sidaas ayuu ballanqaadka ururku uga muuqanayaa sidoo kale bogga toimirasismiavastaan.fi.
Sidaan ayaa billowga hore ku samaynaysaa ballanqaadka
1. Ku dhaqaaq qaabaynta ballanqaadkaaga
Baro waxyaabaha uu ka koobanyahay ballanqaadka ugu sarreeya iyo waxqabadyadiisa. Maxay noqon karaan waxqabadyada la taaban karo ee ururkiina, kuwaas oo aad hirgelin kartaa lana socon kartaan? Qaabee qoraalka oo diyaari kahor inta aadan u wareegin qaybta Sitoumus2050.
2. Isu diiwaangeli isticmaalaha Sitoumus2050.fi
Iska diiwaangeli adeegga shabakadda ee Sitoumus2050.fi adigoo isticmaalaya email. Haddii aad horay isaga diiwaangelisay, waxaad adeegga ku geli kartaa aqoonsiyadii hore. Digniin, haddii uu ururkaaga horay looga diiwaangeliyay adeegga, laakiin ay aqoonsiyadi lunsanyihiin, la xiriir: sitoumus2050@motiva.fi.
3. Ku biir ballanqaadka ugu sarreeya ee ololaha
Ballanqaadka ugu sarreeya ee ololaha xukuumadda ee ka dhanka ah cunsuriyadda waxaa lagu daabacay adeegga Sitoumus2050. Ururadu waxay kula soo biiri karaan ballanqaadayadooda iyo waxqabadyada ay iyagu xusheen. Ballanqaadka ururka waxaa iyadoo la isticmaalayo af finnish, iswiidhish ama ingiriis lagu samayn karaa adeegga Sitoumus2050 islamarkaana lagu biirayo ballanqaadka ugu sarreeya ee luqadda finnishka ku qoran. Sidaas ayuu ballanqaadka ururku uga muuqanayaa sidoo kale bogga toimirasismiavastaan.fi.
4. Haddii aad u baahantahay, ka faaiidayso hagitaanka samaynta ballanqaadka
Hagitaanka pdf:ka ah ee hoose ee afka finnishka ku qoran wuxuu tallaabo-tallaabo kuugu hagayaa ku biirista ballanqaadka ugu sarreeya, xulashada waxqabadyada iyo saarista cabirada iyo daabacaadda ballanqaadka ururkaaga.
Macluumaadyada xiriirka
Waxyaabaha ololaha ku jira iyo hirgelintiisa waxaa mas’uul ka ah xafiiska xukuumadda. Waxaad waaxda qaabilsan ololaha kula xiriiri kartaa emailka stro.vnk@gov.fi.
Waxaa ololaha iskudubaridaysa shirkadda Motiva Oy ee horumarka waarka ee xukuumadda. Waxaad kooxda Motiva kula xiriiraysaa emailka kampanjat@motiva.fi.
Waxaa inta lagu jiro ololaha waxaa warbaahinta baraha bulshada lagu isticmaalayaa summadda ah #toimirasismiavastaan. Haddii aad rabto, waxaad daabacaadyada ku xusi kartaa ama ku calaamadayn kartaa xafiiska xukuumadda iyo shirkadda Motiva Oy.
Ololuhu wuxuu taageerayaa hadafyada Ajandaha 2030 ee barnaamijka horumarka waara ee Qaramada Midowday.
10
Yaraynta sinnaan la’aanta
16
Nabad, cadaalad iyo maamul wanaag
17
Wadashaqeyn iyo iskaashi