Teâttsuõjjčiõlǥtõs

1 Takai ääʹšš

Tät teâttsuõjjiʹlmmtõs âânn seʹst EU teâttsuõjjasetõõzz (EU) 679/2016 13 da 14 artikla meâldlaž teâđaid rekisterõsttum ooumže (luândlaž ooumže). Tän iʹlmmtõõzz uuʹdet rekisterõsttum ooumže persoonteâđaid nooreen.

2 Rekisteeʹrtuõʹllʼjeei da rekisteeʹrtuõʹllʼjeei õhttvuõtt-teâđ

Riikksuåvtõõzz kanslia, PL 23, 00023 Valtioneuvosto
kirjaamo.vnk@gov.fi
teʹlf. 0295 160 334

Ministeria lie õhttsažrekistertuõʹllʼjeei, tõn diõtt ǥu tõk ǩiõttʼtâʹlle persoonteâđaid riikksuåvtõõzz õhttsaž teâttriâšldõõǥǥin.

3 Teâttsuõjjvaʹstteei õhttvuõtt-teâđ

Riikksuåvtõõzz kanslia, tällõsjuâǥǥas
teâttsuõjjvaʹstteei Heidi Alajoki
tietosuojavastaava.vnk@gov.fi

4 Persoonteâđai ǩiõttʼtõõllâm jurddi

Riikksuåvtõs uuʹdi teâttanouddmõõžž õõutverddsažvuõđ, tääʹssäärv da sueʹrdteʹmesvuõđ õõuʹdeem diõtt lääʹdd õhttsažkååʹddest (31.8.2023). Õhttân jåttʼtet rasiism vuâsttsaž kampaanj toiʹmmen Riikksuåvtõõzz kanslia jååʹđteʹmen. Kampaʹnjje kååččat mieʹldd jeeʹresnallšem toiʹmmjeeʹjid, kook ouʹdde čõõnõõttmõõžžid konkreettlaž tooiʹmin, kooi meâldlânji sij toiʹmmjummšest õõuʹdee oummui õõutverddsažvuõđ da rasiism. Kampaanj tääʹvtõõzzi čõõđviikkâm õuʹdde tuejjeet saaǥǥtõõzz jeeʹresnallšem čõõnâsjooukid.

Persoonteâđaid ruõkkât tåʹlǩ vuâđđtõllum määinast. Tääuʹjmõsân teâđaid taarbšet kääzzkõõzzi čõõđviikkâm diõtt da õhttvuõđ âânnmõʹšše. Kääzzkõõzzi âânnmõš lij jiõččtäättlaž jeät-ga uvddum persoonteâđaid ǩiõttʼtõllu jeeʹres ǥu čuäʹjtum ââʹnnemjurddjin.

Teâđaid ǩiõttʼtâʹlle kääzzkõõzz siiskõõzz tuõʹllʼjeei oummu ministeriain di kääzzkõõzz puuʹtʼteei õhttsažtuâjjkueiʹm vueʹllhaʹŋǩǩeejeezvuiʹm, kooivuiʹm ministeria lij suåppâm persoonteâđai ǩiõttʼtõõllmõõžžâst teâttsuõjjasetõõzz kaiʹbbjõõzzi meâldlânji.

5 Persoonteâđai ǩiõttʼtõõllâmvuâđđtõõllmõš

  • Riikksuåvtõõzz vuäʹppstem-meärrõs (262/2003)
  • Riikksuåvtõõzz asetõs riikksuåvtõõzz kansliast (393/2007)

Persoonteâđai ǩiõttʼtõõllmõõžž lääʹjjmeâldlažvuõtt šâdd takai teâttsuõjjasetõõzz 6 artikla 1 pääiʹǩ c-vueʹllpääiʹǩ meâldlânji (lääʹjjest šiõttuum õõlǥtummši jääʹǩǩtummuš).

6 Ǩiõttʼtõõllâmvuâlaž rekisterõsttum joouk da ǩiõttʼtõõllâmvuâlaž persoonteâttjoouk

Rekisterõsttum joouk:

  • Ministeriai tuâjjla
  • Rasiism vuâsttsaž kampaanj čõõnâsjooukid kuulli
  • Rasiism vuâsttsaž kampaanj pooddid da šõddmõõžžid kåččamnalla åårrai da vuässõõtti oummu
  • Rasiism vuâsttsaž kampaanj oođâsǩiiʹrji tiʹllʼjeei
  • Rasiism vuâsttsaž kampaanj saaǥǥlaž kampaanjid leʹbe ǩeâlbaid vuässõõtti

Persoonteâttjoouk:

  • Õhttvuõtt-teâđ (organisaatioteâđ, nõmm, addrõs, teʹlfoon-nââmar, neʹttpååʹštaddrõs)
  • Spesiaalporrmõšvaʹlljõs (pooddi da šõddmõõžži taʹrjjõõllmid kuuleeʹl)

7 Persoonteâđai teâttkääiv teʹl, ǥu teâđaid jeät leäkku vuåǯǯum oummust jijstes

Õõlmâs teâttkääivain vuõǯǯum teâđ.

8 Persoonteâđai ǩiõttʼtõõlli da vuâsttavaʹlddi

  • Motiva Oy
  • Teeknlaž vuâla kääzzkõspuuʹtʼteei roolâst Webropol Oy
  • Teeknlaž vuâla kääzzkõspuuʹtʼteei roolâst Lyyti (šõddmõšiʹlmmtõõttmõõžž)
  • Teeknlaž vuâla kääzzkõspuuʹtʼteei roolâst Microsoft Corporation(oođâsǩeʹrjjtiʹllʼjõõzz)

9 Persoonteâđai serddmõš EU leʹbe ETA åålǥpeälla leʹbe meeraikõskksaž organisaatioid

Persoonteâđaid jeät uvddu EU leʹbe ETA-vuuʹd åålǥpeälla leʹbe meeraikõskksaž organisaatioid.

10 Persoonteâđai seeiltemääiʹj

Persoonteâđaid seeiltet Rasiism vuâsttsaž kampaanj toiʹmmpââʹj ääiʹj (2024–2027).

11 Rekisterõsttum oummu vuõiggâdvuõđ

Rekisterõsttum oummust lij vuõiggâdvuõtt vuäǯǯad rekistertuõʹllʼjeeʹjest teâđ tõʹst, ǩiõttʼtõõlât-a suu persoonteâđaid.

Rekisterõsttum oummust lij še vuõiggâdvuõtt raukkâd:

  • jiiʹjjes kuõskki persoonteâđaid
  • rekistertuõʹllʼjeei vuõiǥeed leʹbe jaukkeed puäst leʹbe vuämmnam teâđaid
  • persoonteâđeez ǩiõttʼtõõllmõõžž rajjtummuž

Õõʹnni da persoonteâđai taʹrǩstummuš

Teâttsuõjjlääʹǩǩšiõttummuž jääʹǩǩtummuž Lääʹddjânnmest vuåpp teâttsuõjjväʹlddneǩ.

Lââʹssteâtt teâttsuõjjvuõiggâdvuõđi pirr

12 Automaattlaž tuʹmmstõktuâjj da profilâsttmõš

Persoonteâđaid jeät õnnu automaattlaž tuʹmmstõktuõjju jeät-ga profilâsttmõʹšše, koin leʹčče vaaiktõõzz rekisterõsttum oummui vuõiggâdvuõđid leʹbe väʹlddvuõđid.

13 Persoonteâđai suõjjummuš

Riikksuåvtõõzz kanslia rekistertuõʹllʼjeeʹjen lij tuejjääm taarbšum teeknlaž da organisatoorlaž tooiʹmid di kaiʹbbai tõiʹd še persoonteâđai ǩiõttʼtõõllʼjin.