MIEʹRREN LIJ
PUʹTTSTED
ÕHTTSAŽKÅÅʹDDEST
Rasiism vuâsttsaž kampanjj toobdast, što Lääʹddjânnmest lij rasismm da što tõʹst vuäitt da âlgg piâssâd meädda.
Rasismm lij õhttsažkååddlaž raajõs da šiõttõõttmõš. Tõn puʹrǧǧummša da õõutverddsab raajõõzzi raajjmõʹšše kaiʹbbjet aktiivlažvuõđ da vuässõõttmõõžž veiddsânji. Muttâz haaʹleei toiʹmmjeei jie vueiʹt kuâđđjed čåårastǩiõččjen.
Tõn diõtt kampanjj älšmâtt jeeʹresnallšem toiʹmmjeeʹjid konkreettlaž tuâjaid, kookk puʹrǧǧee rasiism mij õhttsažkååʹddest.
Rasiism puʹrǧǧeet tueʹjjeeʹl – jeät čõõđtõõzzivuiʹm
Rasismm lij systeeʹmtääʹzz čuõlmm, koon juʹn-a puʹrǧǧeet leʹbe raaveet jeeʹres-šoora tuâjaivuiʹm da tuejjeeǩâni kuâđđmõõžžin; õuddmiârkkân särnnamvuâkka kässjõõttmõõžžin leʹbe kässjõõđǩâʹnesvuõđin, rekrytâsttmõõžžin, representaatioin da jeeʹresnallšem toiʹmmjemvueʹjjivuiʹm.
Juuʹhlʼlaž čõõđtõõzz jie seekk čuõlmmpaaiʹǩid meädda, tõn sâjja rasiistlaž raajõõzzid âlgg aktiivlânji puʹrǧǧeed tuejjeem pääiʹǩ.
Kampaanj mieʹrren lij taʹrjjeed tuõtt tuâjjneävvaid rasiʹsmme teivvmõʹšše da puʹrǧǧummša õhttsažkååʹddest.
Pukin kõõskmõsân õhttsaž čõõnõõttmõš
Kampanjj taʹrjjad mieʹldd pueʹtti toiʹmmjeeʹjid konkreettlaž tuâjaid, koivuiʹm vuäǯǯad muttâz äigga.
Kampaʹnjje vuässõõtti toiʹmmjeei tuejjee čõõnõõttmõõžž da vaʹlljee jiiʹjjes organisaatio šiõtti tooiʹmid Kestävän kehityksen Sitoumus2050 –neʹttkääzzkõõzzâst.
Riikksuåvtõs kåčč kampaanjin pukid mieʹldd raajjâd õõutverddsaž Lääʹddjânnam. Kampaanj čõõđ viikkmõš lij vueʹssen Õõutverddsažvuõtt-teâttanouddmõõžž toiʹmmepiijjâmhaʹŋǩǩõõzzâst.
Lââʹssteâtt haʹŋǩǩõõzzâst riikksuåvtõõzz neʹttseeidain.
Nääiʹt puäđak mieʹldd
Kampaanjâst kõskksââʹjest lij riikksuåvtõõzz nõõmâst Sitoumus2050-neʹttkääzzkõõzzâst tuejjuum laakkčõõnõõttmõš.
Kampaʹnjje vuässõõtti toiʹmmjeei õhttne čõõnõõttmõõžžines mieʹldd kampaanj laakkčõõnõõttmõʹšše Sitoumus2050-kääzzkõõzzâst. Kääzzkõõzzâst toiʹmmjeei vaʹlljee jiiʹjjes organisaatio seʹst suåppi tooiʹmid, leʹbe lââʹzzte jiiʹjjes ââʹnnem, jiõccseez suåppi tooiʹmid. Kääzzkõõzzâst vuäitt še raportâʹstted juõʹǩǩ jeeʹrab čõõnõõttmõõžž tooiʹmi čõõđviikkmest.
Organisaatio jiiʹjjes čõõnõõttmõõžž vuäitt tuejjeed Sitoumus2050-kääzzkõõzzâst lääʹddǩiõʹlle, ruõccǩiõʹlle leʹbe eŋgglõsǩiõʹlle õhttneeʹl lääʹddǩiõllsaž laakkčõõnõõttmõʹšše. Nääiʹt organisaatio čõõnõõttmõš puätt še kueʹsttma toimirasismiavastaan.fi-seiddõõzzâst.
NääIʹt pi zzak aʹlǧǧe čõõnõõttmõõžž tuejjummšest
1. Vueʹlj häämeed jiijjad čõõnõõttmõõžž
Tobdstõõđ laakkčõõnõõttmõõžž siiskõʹsse da tooiʹmid. Mõõk vuäitči leeʹd tij organisaatio konkreettlaž tooiʹm, koid vuäitčid tieuʹdškueʹtted da seuʹrrješkueʹtted? Häämõõl teeʹkst valmmša õuʹddel ǥu serddjak Sitoumus2050-vuâlže.
2. Rekisterõõv Sitoumus2050.fi õõʹnnʼjen
Rekisterõõv Sitoumus2050.fi-neʹttkääzzkõʹsse neʹttpååʹštaddrõõzzin. Jos leäk juʹn ääiʹjben rekisterõõvvâm, vuäitak ǩeeʹrjtõõttâd sizz kääzzkõʹsse ääiʹjab tiõttivuiʹm. Hoʹhsse, jos tuʹst organisaatio lij juʹn ääiʹjben rekisterõsttum kääzzkõʹsse, leša tiõtt lie läppjam, vääʹld õhttvuõđ: sitoumus2050@motiva.fi.
3. Õhttân kampaanj laakkčõõnõõttmõʹšše
Riikksuåvtõõzz rasiism vuâsttsaž kampaanj laakkčõõnõõttmõš lij õlmstõttum Sitoumus2050-kääzzkõõzzâst. Organisaatio vuäiʹtte pueʹtted mieʹldd jiiʹjjes čõõnõõttmõõžživuiʹm da vaʹlljeeʹmes tooiʹmivuiʹm. Organisaatio jiiʹjjes čõõnõõttmõõžž vuäitt tuejjeed Sitoumus2050-kääzzkõõzzâst lääʹddǩiõʹlle, ruõccǩiõʹlle leʹbe eŋgglõsǩiõʹlle õhttneeʹl lääʹddǩiõllsaž laakkčõõnõõttmõʹšše. Nääiʹt organisaatio čõõnõõttmõš puätt še kueʹsttma toimirasismiavastaan.fi-seiddõõzzâst.
4. Ââʹn taarb mieʹldd äuʹǩǩen vuäʹpstõõzz čõõnõõttmõõžž tuejjummša
Vueʹlnn åårrai lääʹddǩiõllsaž pdf-vuäʹpstõs vuäʹppast läuʹǩǩ lääuʹǩest laakkčõõnõõttmõʹšše õhttnummuž, tooiʹmi vaʹlljummuž da metteemneävvai šiõttummuž di jiijjad organisaatio čõõnõõttmõõžž õlmstâttmõõžž.
Õhttvuõtt-teâđ
Kampaanj siiskõõzzâst da čõõđ viikkmõõžžâst vaʹsttad Riikksuåvtõõzz kanslia. Vuäitak väʹldded kampaanjâst vaʹstteei juâkksa õhttvuõđ neʹttpååʹšt mieʹldd stro.vnk@gov.fi.
Kampaanj koordinâstt riikk ǩeâllʼjeei õuddnummuž õhttõs Motiva Oy. Motiva tiiʹme vuäǯǯak õhttvuõđ neʹttpååʹšt mieʹldd kampanjat@motiva.fi.
Sosiaalʼlaž mediast kampaanj õhttvuõđâst ââʹnet tiõtt #toimirasismiavastaan. Õlmstâttmõõžžin vuäitt haaʹleen peäggted leʹbe mieʹrǩǩeed riikksuåvtõõzz kanslia di Motiva Oy.
Kampanjj tuärjjad ÕM ǩeâllʼjeei õuddnummuž prograamm Agenda 2030 tääʹvtõõzzid:
10
Jeeʹresärvvsažvuõđ uuʹccummuš
16
Rääuh, vuõiǥmeâldlažvuõtt da šiõǥǥ vaaldâšm
17
Õhttsažtuâjj da kueiʹmmvuõtt