Tiätusyejičielgiittâs

1 Almolâš

Taat tiätusyejialmottâs siskeeld EU tiätusyejiasâttâs (EU) 679/2016 13 já 14 artikkâl miäldásijd tiäđuid registeristum (luándulâš ulmui). Taat almottâs adeluvvoo registeristum ulmui persovntiäđuid nurâdijn.

2 Registertuállee já registertuállee ohtâvuođâtiäđuh

Statârääđi kanslia, PL 23, 00023 Statârääđi
kirjaamo.vnk@gov.fi
puh. 0295 160 334

Ministeriöh láá ohtsâšregistertuálleeh, ko toh kieđâvušeh persovntiäđuid statârääđi ohtâsijn tiätuvuáháduvâin.

3 Tiätusyejivästideijee ohtâvuođâtiäđuh

Statârääđi kanslia, ekonomiaohtâdâh
tiätusyejivästideijee Heidi Alajoki
tietosuojavastaava.vnk@gov.fi

4 Persovntiäđui kieđâvuššâm mittomereh

Statârääđi adelij tiätuadelem oovtviärdásâšvuođâ, täsiáárvu já olgošthánnáávuođâ oovdedmist syemmilii siärváduvâst (31.8.2023). Ohtân toimân Statârääđi kanslia jođettâsâst algâttuvvoo raasism vuástásâš kampanja. Kampanjan hástojeh mield sierâlágán tuáimeeh, moh adeleh čonnâsmijd konkreetlijn tooimâin, moi mield toh ovdedeh ulmui ovtviärdásâšvuođâ já tuástuh raasism toimâmstis. Kampanja mittomeerij olášuttem várás tahhoo viestâdem sierâlágán čonâsjuávhoid.

Persovntiäđuh vyerkkejuvvojeh tuše agâstâllum suujâst. Válduášálávt tiäđuh tarbâšuvvojeh palvâlusâi olášutmân já ohtâvuođâtolâmân. Palvâlusâi kevttim lii iävtutátulâš, iäge adelum persovntiäđuh kieđâvuššuu eres ko oovdânpuohtum kevttimuulmijn.

Tiäđuid kieđâvušeh palvâlus siskáldâs paijeentuállee ulmuuh ministeriöin sehe palvâlus pyevtitteijee ohtsâšpargokyeimih vyeleeb läjideijeidiskuin, moiguin ministeriö lii sooppâm persovntiäđui kieđâvušmist tiätusyejiasâttâs vátámušâi miäldásávt.

5 Persovntiäđui kieđâvuššâmaggâ

Statârääđi raavânjuolgâdus (262/2003)
Statârääđi asâttâs statârääđi kansliast (393/2007)

Persovntiäđui kieđâvuššâm laavâmiäldásâšvuotâ olášuvá almolii tiätusyejiasâttâs 6 artikkâl 1 uási c-vyeliuási miäldásávt (laavâst asâttum kenigâsvuođâi čuávvum).

6 Kieđâvuššâmnáál registeristum ulmui juávhuh já persovntiätujuávhuh

Registeristum ulmui juávhuh:

Ministeriöi pargeeh
Raasism vuástásii kampanja čonâsjuávhoid kullee ulmuuh
Raasism vuástásii kampanja tilálâšvuođáid já tábáhtussáid povdimnáál já uásálistee ulmuuh
Raasism vuástásii kampanja uđâsreeivâi tiilájeijeeh
Raasism vuástásii kampanja viestâdemkampanjaid tâi kištoid uásálisteeh

Persovntiätujuávhuh:

Ohtâvuođâtiäđuh (organisaatiotiäđuh, nommâ, čujottâs, puhelinnummeer, šleđgâpostâčujottâs)
Spesialpurrâmuštáárbuh (tilálâšvuođâi já tábáhtusâi falâmij ohtâvuođâst)

7 Persovntiäđui käldeeh talle, ko tiäluh iä lah finnejum ulmust alnestis

Almolijn käldein finnejum tiäđuh.

8 Persovntiäđui kieđâvuššeeh já vuástáväldeeh

Motiva Uf
Teknisii vuáđu palvâluspyevtitteijee roolist Webropol Oy
Teknisii vuáđu palvâluspyevtitteijee roolist Lyyti (tábáhtusalmottâtmeh)
Teknisii vuáđu palvâluspyevtitteijee roolist Microsoft Corporation (uđâsreivâtiiláámeh)

9 Persovntiäđui sirdem EU tâi EEK ulguubel tâi almugijkoskâsâš ornijdumán

Persovntiäđuh iä luovâttuu EU tâi EEK-kuávlu ulguubel tâi almugijkoskâsâš ornijdumán.

10 Persovntiäđui siäiludemääigih

Persovntiäđuh siäiluduvvojeh Raasism vuástásii kampanja toimâpaje ääigi (2024–2027).

11 Registeristum ulmuu vuoigâdvuođah

Registeristum ulmust lii vuoigâdvuotâ finniđ registertuállest tiäđu tast, kieđâvuššojeh-uv suu persovntiäđuh.

Registeristum ulmust lii meiddei vuoigâdvuotâ táttuđ:

olssis kyeskee persovntiäđuid
registertuállee vuoigiđ tâi meddâlistiđ puástu tâi puárásmâm tiäđuid
suu persovntiäđui kieđâvuššâm raijim

Kevttee vuoigâdvuođah já persovntiäđui tärhistem

Suomâst tiätusyejilahâasâttem čuávvum kocá tiätusyejiváldálâš.

Lasetiäđuh tiätusyejivuoigâdvuođâin

12 Automaatlâš miärádâstoohâm já profilistem

Persovntiäđuh iä kevttuu automaatlâš miärádâstohâmân iäge profilistmân, moin liččii vaiguttâsah registeristum ulmui vuoigâdvuođâi tâi rijjâvuođâi iähtun.

13 Persovntiäđui suoijim

Statârääđi kanslia registertuállen lii olášuttám tarbâšlijd teknisijd já organisatorisijd tooimâid sehe váátá taid meiddei persovntiäđui kieđâvuššein.