Mittomeerrin
lii renskiđ raasism
SIÄRVÁDUVÂST
Raasism vuástásâš kampanja tuubdâst, ete Suomâst lii raasism já ete tom puáhtá já kalga meddâlistiđ.
Raasism lii siärvádâhlâš rááhtus já jurdâččemvyehi. Ton raččomân já ovtviärdásub ráhtusij rähtimân váttoo aktiivlâšvuotâ já vijđes uásálistem. Nubástus halijdeijee tuáimeeh iä pyevti pääcciđ keččâđ paaldâst.
Tondiet kampanja movtijdit sierâlágán tuáimeid konkreetláid tavvoid, moh račoh raasism mii siärváduvâst.
Raasism raččoo tavoiguin – ij julgášt s iguin
Raasism lii systeemtääsi čuolmâ, mii jo-uv raččoo tâi nanoduvvoo jieškote-uvstuárusij tavoiguin já tovâhánnáá kyeđimijguin; ovdâmerkkân väldimáin pele kielâkevttimân tâi kyeđimáin väldihánnáá toos pele, rekrytistmijguin, representaatioin já jieškote-uvlágán toimâmvuovijguin.
Juhlejulgáštâsah iä siho vädisvuođâid meddâl, peic raasistlijd ráhtusijd kalga aktiivlávt raččođ tavoi peht.
Kampanja mittomeerrin lii faallâđ olmâ tyejiniävuid raasism kuáhtáámân já raččomân mii siärváduvâst.
PUOH KUÁVDÁÁST OHTÂSŠ SOPÂMUŠ
Kampanja fáálá mield puáttee tuáimeid konkreetlijd tavoid, moiguin nubástus tahhoo.
Kampanjan uásálistee tuáimeeh taheh čonnâsem já väljejeh jieijâs organisaation hiäivulijd tooimâid Kilelis ovdánem Sitoumus2050 (“Čonnâsem2050”) –viermipalvâlusâst.
Statârääđi puávdee kampanjain puohâid mield huksiđ ovtviärdásii Suomâ. Kampanja olášuttem lii Yhdenvertaisuustiedonanto (“Ovtviärdásâšvuođâtiäđuadelem”) olášuttemhaavâ uási.
Lasetiäđuh haavâst statârääđi viermisiijđoin.
Návt puáđáh mield
Kampanja kuávdáást lii statârääđi noomâst Sitoumus2050-viermipalvâlusâst tohhum káttučonnâsem.
Kampanjan uásálistee tuáimeeh servih jieijâs čonnâsmáin mield kampanjan káttučonnâsmân Sitoumus2050-palvâlusâst. Palvâlusâst tuáimeeh väljejeh jieijâd organisaation hiäivulijd tooimâid, tâi lasetteh jieijâs, olssis hiäivulijd tooimâid. Palvâlusâst puáhtá meiddei raportistiđ jyehi čonnâsem tooimâi olášuumeest.
Organisaatio jieijâs čonnâsem puáhtá toohâđ Sitoumus2050-palvâlusâst suomâkielân, ruotâkielân tâi eŋgâlâškielân servâmáin suomâkielâlâš káttučonnâsmân. Návt organisaatio čonnâsem puátá uáinusân meiddei toimirasismiavastaan.fi-siijđoin.
NÁVT PEESAH AALGÂN ČONNÂSEM TOHÂMIST
1. Riemâ hammiittâllâđ jieijâd čonnâsem
Uáppáásm káttučonnâsem siskáldâsân já toimáid. Moh puávtáččii leđe tii organisaatio konkreetliih tooimah, maid puávtáččijd riemmâđ olášuttiđ já čuávvuđ? Hammiittâl teevstâ valmâšin ovdil Sitoumus2050-sijđoid sirdum.
2. Registerist jieijâd Sitoumus2050.fi kevtten
Registerist Sitoumus2050.fi-viermipalvâlusân šleđgâpostâčujottâssáin. Jis tun lah jo ovdil registeristám jieijâd, puávtáh čáládâttâđ palvâlusân ovdebáin tubdâlduvváin. Huám. jis tuu organisaatio lii jo ovdil registeristum palvâlusân, mutâ tubdâlduvah láá lappum, vääldi ohtâvuođâ: sitoumus2050@motiva.fi.
3. Seervâ kampanja káttučonnâsmân
Statârääđi raasism vuástásii kampanja káttučonnâsem lii almostittum Sitoumus2050-palvâlusâst. Organisaatioh pyehtih servâđ mield jieijâs čonnâsmijguin já jieijâs valjim toimâiguin. Organisaatio jieijâs čonnâsem puáhtá toohâđ Sitoumus2050-palvâlusâst suomâkielân, ruotâkielân tâi eŋgâlâškielân servâmáin suomâkielâlâš káttučonnâsmân. Návt organisaatio čonnâsem puátá uáinusân meiddei toimirasismiavastaan.fi-siijđoin.
4. Ávhástâl táárbu mield ravvuid čonnâsem tohâmân
Vuoluubeln suomâkielâlâš pdf-raavâ uápist jyehi läävhi káttučonnâsmân servâmân, tooimâi valjiimân já mittárij aasâtmân sehe jieijâd organisaatio čonnâsem almostitmân.
Ohtâvuođâtiäđuh
Kampanjan siskáldâsâst já olášutmist västid statârääđi kanslia. Puávtáh väldiđ ohtâvuođâ kampanjast västideijee ohtâdâhân šleđgâpostáin stro.vnk@gov.fi.
Kampanja koordinist staatâ kilelis ovdánem finnodâh Motiva Uf. Uážuh Motiva tiimin ohtâvuođâ šleđgâpostáin kampanjat@motiva.fi.
Sosiaallii mediast kampanja ohtâvuođâst kiävttoo tubdâldâh #toimirasismiavastaan (“#tooimâraasismvuástá”). Almostitmijn puáhtá mainâšiđ tâi merkkiđ statârääđi kanslia sehe Motiva Uf jis haalijd.
Kampanja tuárju OA kilelis ovdánem ohjelm Agenda 2030 mittomeerijd:
10
Sierâárvusâšvuođâ kepidem
16
Ráávhu, vuoigâlâšvuotâ já šiev haldâttâh
17
Ohtsâšpargo já kyeimivuotâ