ULBMILIN LEA
CAGGAT RASISMMA
SERVODAGAS
Rasismma vuostásaš kampánja dovddasta, ahte Suomas gávdno rasisma ja ahte das sáhttá ja galgá beassat earránassii.
Rasisma lea servodatlaš ráhkadus ja jurddašanvuohki. Dan burgimii ja ovttaveardásaš ráhkadusaid duddjomii dárbbašuvvo aktiivvalašvuohta ja viiddes oassálastin. Doaibmit, geat háliidit earáhusa, eai sáhte báhcit doaresbealgeáhččin.
Danin kampánja movttiidahttá sierralágán doibmiid konkrehtalaš daguide, mat burget rasismma servodagasteamet.
Rasisma burgojuvvo daguiguin – ii julggaštusaiguin
Rasisma lea vuogádatdási čuolbma, mii juogo burgojuvvo dehe váfistuvvo sierrasturrosaš daguiguin ja dagakeahttá guođđimiin; ovdamearkka dihte giellageavahussii seahkanemiin dehe seahkanmeahttumii; rekryteremiiguin, representašuvnnaiguin ja sierralágán doaibmavugiiguin.
Allaáiggálaš julggaštusat eai sihko čuolmmaid eret, muhto rasisttalaš ráhkadusat galget aktiivvalaččat burgojuvvot daguid bakte.
Kampánjja ulbmilin lea fállat eakti reaidduid rasismma deaivamii ja burgimii servodagas.
Guovdu buot lea oktasaš čatnaseapmi
Kampánja fállá buohkaide fárrui boahtti doibmiide konkrehtalaš daguid, maiguin ožžojuvvo áigái earáhus.
Kampánjii searvi doaibmit dahket čatnaseami ja válljejit iežaset organisašuvdnii heivvolaš doaibmabijuid Suvdilis ovdáneami Čatnaseapmi2050-fierbmebálvalusas.
Stáhtaráđđi bovde kampánjjain buohkaid mielde hukset ovttaveardásaš Suoma. Kampánjja ollahuhttin lea Ovttaveardásašvuohtadieđáhusa ollahuhttinprošeavtta oassi.
Lassidiehtu prošeavttas stáhtaráđi fierbmesiidduin.
Ná boađát mielde
Kampánjja guovddážis lea stáhtaráđi namas Čatnaseapmi2050-fierbmebálvalusas dahkkojuvvon dáhkkečatnaseapmi.
Kampánjii searvi doaibmit servet iežaset čatnasemiin mielde kampánjja dáhkkečatnaseapmái Čatnaseapmi2050-bálvalusas. Bálvalusas doaibmit válljejit iežaset organisašuvdnii heivvolaš doaibmabijuid, dehe lasihit alcceseaset heivvolaš doaimmaid. Bálvalusas sáhttá maid raporteret guđege čatnaseami doaibmabijuid ollahuvvamis.
Organisašuvnna iežas čatnaseami sáhttá ráhkadit Čatnaseapmi2050-bálvalusas suoma-, ruoŧa- dehe eŋgelasgillii nu ahte searvá suomagielalaš dáhkkečatnaseapmái. Ná organisašuvnna čatnaseapmi boahtá oidnosii maid doaimmarasismmavuostá.fi-siidduin.
Ná beasat álgui čatnaseami ráhkadeamis
1. Vuolgge hábmet iežat čatnaseami
Oahpásnuva dáhkkečatnaseami sisdollui ja doaibmabijuide. Mat sáhtále leat din organisašuvnna konkrehtalaš doaibmabijut, maid sáhtáleiddet vuolgit ollahuhttit ja čuovvut? Hábme deavstta válmmasin ovdal Čatnaseapmi2050-vuolážii sirdáseapmái.
2. Registrere Čatnaseapmi2050.fi geavaheaddjin
Registrere iežat Čatnaseapmi2050.fi-fierbmebálvalussii šleađgaboastačujuhusain. Juos don leat juo ovdal registreren iežat, sáhtát čálihuvvat bálvalussii ovddit dovddaldagaiguin. Fuom. juos organisašuvnnat leat juo ovdal registreren iežaset bálvalussii, muhto dovddaldagat leat láhppon, váldde oktavuođa: sitoumus2050@motiva.fi.
3. Searvva kampánjja dáhkkečatnaseapmái
Stáhtaráđi rasismma vuostásaš kampánjja dáhkkečatnaseapmi lea almmustuhtton Čatnaseapmi2050-bálvalusas. Organisašuvnnat sáhttet searvat mielde iežaset čatnasemiiguin ja válljen doaibmabijuiguin. Organisašuvnna iežas čatnaseami sáhttá dahkat Čatnaseapmi2050-bálvalusas suoma-, ruoŧa- dehe eŋgelasgillii nu ahte searvá suomagielalaš dáhkkečatnaseapmái. Ná organisašuvnna čatnaseapmi boahtá oidnosii maid doaimmarasismmavuostá-siidduin.
4. Ávkkástala dárbbu mielde rávvagiiguin čatnaseami ráhkadeapmái
Vulobeale suomagielalaš pdf-rávvagat oahpistit lávkki lávkki mielde dáhkkečatnaseami searvama, doaibmabijuid válljema ja mihttáriid bidjama sihke iežas organisašuvnna čatnaseami almmustuhttima.
Oktavuohtadieđut
Kampánjja sisdoalu ja ollahuhttima ovddasvástádus lea stáhtaráđi kansliijas. Don sáhtát váldit oktavuođa kampánjjas ovddasvástideaddji ovttadahkii šleađgaboasttain stro.vnk@gov.fi.
Kampánjja koordinere stáhta suvdilis ovdáneami fitnodat Motiva Oy. Motiva bargojovkui oaččut oktavuođa šleađgaboasttain kampanjat@motiva.fi.
Sosiálalaš medias kampánjja olis geavahuvvo dovddaldat #toimirasismiavastaan. Almmustuhttimiin sáhttá iežas miela mielde namuhit dehe merket stáhtaráđi kansliija dehe Motiva Oy.
Kampánja doarju ON suvdilis ovdáneami prográmma Agenda 2030 ulbmiliid:
10
Sierraárvosašvuođa unnideapmi
16
Ráffi, vuoiggalašvuohta ja buorre hálddahus
17
Ovttasbargu ja guoibmivuohta